По маратоните кои се одржаа кон крајот на април 2012, вики маратонците имаа уште една средба. Имено, на 4 мај во Дебар и 9 мај во Велес, се одржаа уште две вики дружења каде присутни беа вкупно 28 учесници.

По спроведувањето на првата обука од проектот за зголемување на знаењата и вештините на новинарите со цел нивна адаптација на актуелните потреби и трендови во новинарството, фондацијата Метаморфозис реализираше уште 2 вакви обуки, со кои беа опфатени 2 дополнителни редакции.

Во рамките на проектот за децентрализирана соработка помеѓу Македонија и регионот Долна Нормандија, фондацијата Метаморфозис во соработка со локалните партнери Фондација Фокус од Велес и Центарот за одржлив развој на заедницата Дебар, кон крајот на месец април организираше 2 вики-маратони. Целта на овие настани е да се промовира вики-технологијата како средство за споделување информации од локално значење во повеќе општини во Република Македонија и да се подигне свеста за активно граѓанско учество преку користење на  новите технологии.

Во текот на месец април, во рамките на проектот Социјални медиуми за демократија, Метаморфозис во соработка со универзитетите од Република Македонија одржа 5 дебати на оваа тема. Дебатите се одржаа во Скопје на Европскиот Универзитет, Универзитетот ФОН и Универзитетот за туризам и менаџмент, како и во Штип на Универзитетот „Гоце Делчев“ и на Државниот Универзитет во Тетово.