Вовед

Инфо-алатката на дигиталните складишта е практичен „како да“ водич кон воспоставувањето и раководењето на дигитални складишта. Алатката содржи информации за широк спектар на теми, кои се протегаат од почетната идеја за дигитално складиште и процесот на планирање, преку детални описи на воспоставување и промоција на складиштето, до одржувањето и тековното управување со складиштето. Главното внимание се посветува на институционалните складишта и алатката ги одразува најдобрите тековни практики во заедницата на складишта.

Овој ресурс е напишан за администраторите на складишта. Не бара никакво претходно искуство во врска со складиштата, и уште поважно, не бара претходно техничко знаење. Алатката може да ја користи секој што има потреба од запознавање со која било од опфатените теми.

Тежнеења и цели

Тежнеењата и цели на инфо-алатката се:

• Да обезбеди единствен извор на практично водење кон основање, поставување и одржување складишта
• Детално да ги покрие сите процеси на инсталирање, поставување и одржување кои постојат во институционалните складишта
• Дa ги синтетизира практичните достигнувања на ППС (RSP) проектот (Проект за поддршка на складиштата)
• Да понуди информации на заедницата за најдобрите практики во врска со складиштата

Како што секторите за вишо и високо образование во Велика Британија ќе дознаваат повеќе за ефикасната употреба на складиштата, а добрата практика и понатаму ќе се пројавува и ќе се менува, оваа инфо-алатка ќе биде ажурирана. Проектите од оваа област, кои се финансирани од КЗИС (JISC) (Комитет за заеднички информатички системи), се наведени на интернет-страницата на КЗИС.